ಭಾರತದ ಸಂವಿಧಾನವು ಪ್ರಪಂಚದ ವಿವಿಧ ಸಂವಿಧಾನಗಳಿಂದ ಮತ್ತು 1935 ರ ಭಾರತ ಸರ್ಕಾರ ಕಾಯ್ದೆಯಿಂದ ಅನೇಕ ಪ್ರಮುಖ ಲಕ್ಷಣಗಳನ್ನು ಎರವಲು ಪಡೆದಿದೆ.
ವಿವಿಧ ದೇಶಗಳಿಂದ ಅಳವಡಿಸಿಕೊಳ್ಳಲಾದ ಪ್ರಮುಖ ಲಕ್ಷಣಗಳು ಈ ಕೆಳಗಿನಂತಿವೆ:
ಬ್ರಿಟಿಷ್ ಸಂವಿಧಾನದಿಂದ: ಸಂಸದೀಯ ಸರ್ಕಾರ, ಕಾನೂನಿನ ಆಳ್ವಿಕೆ, ಶಾಸನೀಯ ಪ್ರಕ್ರಿಯೆ, ಏಕ ಪೌರತ್ವ, ಕ್ಯಾಬಿನೆಟ್ ವ್ಯವಸ್ಥೆ, ವಿಶೇಷ ರಿಟ್ಗಳು (Prerogative Writs), ಸಂಸದೀಯ ಸವಲತ್ತುಗಳು ಮತ್ತು ದ್ವಿಸದನ ಪದ್ಧತಿಯನ್ನು ಭಾರತದ ಸಂವಿಧಾನವು ಅಳವಡಿಸಿಕೊಂಡಿದೆ.
ಅಮೆರಿಕ ಸಂಯುಕ್ತ ಸಂಸ್ಥಾನದ (US) ಸಂವಿಧಾನ: ಮೂಲಭೂತ ಹಕ್ಕುಗಳು, ನ್ಯಾಯಾಂಗದ ಸ್ವಾತಂತ್ರ್ಯ, ನ್ಯಾಯಾಂಗ ವಿಮರ್ಶೆ, ರಾಷ್ಟ್ರಪತಿಗಳ ಮಹಾಭಿಯೋಗ (Impeachment), ಸುಪ್ರೀಂ ಕೋರ್ಟ್ ಮತ್ತು ಹೈಕೋರ್ಟ್ ನ್ಯಾಯಾಧೀಶರ ಪದಚ್ಯುತಿ ಹಾಗೂ ಉಪರಾಷ್ಟ್ರಪತಿ ಹುದ್ದೆಯನ್ನು ಅಮೆರಿಕದಿಂದ ಪಡೆಯಲಾಗಿದೆ.
ಐರಿಶ್ ಸಂವಿಧಾನ: ರಾಜ್ಯ ನಿರ್ದೇಶಕ ತತ್ವಗಳು (DPSP), ರಾಜ್ಯಸಭೆಗೆ ಸದಸ್ಯರ ನಾಮನಿರ್ದೇಶನ ಮತ್ತು ರಾಷ್ಟ್ರಪತಿ ಚುನಾವಣಾ ವಿಧಾನವನ್ನು ಎರವಲು ಪಡೆಯಲಾಗಿದೆ.
ಕೆನಡಾ ಸಂವಿಧಾನ: ಬಲವಾದ ಕೇಂದ್ರದೊಂದಿಗೆ ಒಕ್ಕೂಟ ವ್ಯವಸ್ಥೆ, ಕೇಂದ್ರದಲ್ಲಿ ಶೇಷ ಅಧಿಕಾರಗಳು (Residuary Powers), ಕೇಂದ್ರದಿಂದ ರಾಜ್ಯಪಾಲರ ನೇಮಕ ಮತ್ತು ಸುಪ್ರೀಂ ಕೋರ್ಟ್ನ ಸಲಹಾ ಅಧಿಕಾರ ವ್ಯಾಪ್ತಿಯನ್ನು ಅಳವಡಿಸಿಕೊಳ್ಳಲಾಗಿದೆ.
ಆಸ್ಟ್ರೇಲಿಯಾ ಸಂವಿಧಾನ: ಸಮವರ್ತಿ ಪಟ್ಟಿ (Concurrent List), ವಾಣಿಜ್ಯ ಮತ್ತು ಸಂಪರ್ಕದ ಸ್ವಾತಂತ್ರ್ಯ ಹಾಗೂ ಸಂಸತ್ತಿನ ಉಭಯ ಸದನಗಳ ಜಂಟಿ ಅಧಿವೇಶನವನ್ನು ಪಡೆಯಲಾಗಿದೆ.
ಜರ್ಮನಿಯ ವೈಮರ್ (Weimar) ಸಂವಿಧಾನ: ತುರ್ತು ಪರಿಸ್ಥಿತಿಯ ಸಮಯದಲ್ಲಿ ಮೂಲಭೂತ ಹಕ್ಕುಗಳನ್ನು ಅಮಾನತುಗೊಳಿಸುವ ಪ್ರಕ್ರಿಯೆಯನ್ನು ಅಳವಡಿಸಿಕೊಳ್ಳಲಾಗಿದೆ.
ಸೋವಿಯತ್ (USSR) ಸಂವಿಧಾನ: ಮೂಲಭೂತ ಕರ್ತವ್ಯಗಳು ಮತ್ತು ಪೀಠಿಕೆಯಲ್ಲಿ ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ನ್ಯಾಯದ ಆದರ್ಶಗಳನ್ನು ಪಡೆಯಲಾಗಿದೆ.
ಫ್ರೆಂಚ್ ಸಂವಿಧಾನ: ಗಣರಾಜ್ಯ ವ್ಯವಸ್ಥೆ ಹಾಗೂ ಪೀಠಿಕೆಯಲ್ಲಿ ಸ್ವಾತಂತ್ರ್ಯ, ಸಮಾನತೆ ಮತ್ತು ಭ್ರಾತೃತ್ವದ ಆದರ್ಶಗಳನ್ನು ಎರವಲು ಪಡೆಯಲಾಗಿದೆ.
ದಕ್ಷಿಣ ಆಫ್ರಿಕಾ ಸಂವಿಧಾನ: ಸಂವಿಧಾನದ ತಿದ್ದುಪಡಿ ಪ್ರಕ್ರಿಯೆ ಮತ್ತು ರಾಜ್ಯಸಭಾ ಸದಸ್ಯರ ಚುನಾವಣಾ ವಿಧಾನವನ್ನು ಅಳವಡಿಸಿಕೊಳ್ಳಲಾಗಿದೆ.
ಜಪಾನ್ ಸಂವಿಧಾನ: ಕಾನೂನಿನಿಂದ ಸ್ಥಾಪಿತವಾದ ಪ್ರಕ್ರಿಯೆಯನ್ನು (Procedure Established by Law) ಪಡೆಯಲಾಗಿದೆ.
ಭಾರತ ಸರ್ಕಾರ ಕಾಯ್ದೆ, 1935 : ಫೆಡರಲ್ ಯೋಜನೆ, ರಾಜ್ಯಪಾಲರ ಹುದ್ದೆ, ನ್ಯಾಯಾಂಗ ವ್ಯವಸ್ಥೆ, ಲೋಕಸೇವಾ ಆಯೋಗಗಳು, ತುರ್ತುಪರಿಸ್ಥಿತಿ ನಿಬಂಧನೆಗಳು ಮತ್ತು ಆಡಳಿತಾತ್ಮಕ ವಿವರಗಳನ್ನು ಸಂವಿಧಾನವು ಅಳವಡಿಸಿಕೊಂಡಿದೆ
